إجمالي مرات مشاهدة الصفحة

السبت، 18 أبريل، 2015

پارێزگارى كه‌ركوك ستايشى سه‌ركه‌وتنه‌كانى پێشمه‌رگه‌و دژه‌ تيرۆر ده‌كات


له‌به‌ياننامه‌يه‌كدا كه‌ له‌ نويسنگه‌ى ڕاگه‌ياندنى پارێزگارى كه‌ركوك بڵاوكراوه‌ته‌وه‌ دكتۆر نه‌جمه‌دين كه‌ريم پارێزگارى كه‌ركوك ستايشى سه‌ركه‌وتنه‌ گه‌وره‌كه‌ى ئه‌مڕۆى هێزى پێشمه‌رگه‌ و دژه‌ تيرۆر ده‌كات به‌سه‌ر تيرۆريستانى داعش دا كه‌ تيايدا توانرا دێيه‌كانى عوزێريه‌ و عه‌تشانه‌ له‌ باشورى كه‌ركوك ئازاد بكرێت.
له‌ به‌ياننامه‌كه‌دا پارێزگارى كه‌ركوك ده‌ڵێت به‌ ڕاستى ئێوه‌ى پێشمه‌گه‌ و دژه‌ تيرۆر به‌ ئه‌فسه‌ر و جه‌نگاوه‌رانه‌وه‌ جێگاى شانازى كه‌ركوك و كه‌ركوكييه‌كانن ، ئێوه‌ دڵى دانيشتوانى كه‌ركوكتان شاد كرد و به‌ قوربانييه‌كانتان دڵى هه‌موانتان خسته‌ خرۆش، ئێوه‌ شايانى ده‌ستخۆشى لێكردنن چونكه‌ هه‌ڵمه‌تتان برد له‌ ناوچه‌يه‌كدا كه‌ تيرۆريستان سه‌رتاسه‌ريان به‌ بۆمب چاندبوو به‌ڵام قاره‌مانێتى ئێوه‌ سه‌ركه‌وتنى فه‌راهه‌م كرد و توانيتان دێيه‌كانى عوزێريه‌ و عه‌تشانه‌ له‌ تيرۆريستان پاك بكه‌نه‌وه‌ كه‌ له‌ پاش 2003 ه‌ وه‌ مۆڵگه‌ى تيرۆريستان بوه‌.
پارێزگارى كه‌ركوك له‌ به‌ياننامه‌كه‌دا ته‌ئكيدى كرده‌وه‌ له‌ كاتێكدا ئێمه‌ ده‌ستى ئه‌و قاره‌مانانه‌ ده‌گوشين كه‌ هيچ كات بێزارى و ماندووبوون نازانن له‌ پێشڕه‌وييه‌كانياندا و ته‌نها ئامانجيان شاد كردنى هاوڵاتييانى كه‌ركوكه‌ و نزا ده‌كه‌ين بۆ گيانى پاكى شه‌هيدان و به‌ خێزانه‌ سه‌ربه‌رزه‌كانيان ده‌ڵێين ئيوه‌ جێگاى شانازى ئێمه‌ن و ئێوه‌ بوون خۆشيتان له‌ دڵى مليۆنه‌ها كه‌س له‌ پێكهاته‌كانى عێڕاقدا چاند و داواكارين له‌ خواى مه‌زن به‌زه‌يي خۆى ببارێنێت به‌سه‌ر شه‌هيده‌كاندا و شيفاى برينداره‌كانمان بدات و به‌ڕاستى ئێوه‌ پاڵه‌وانن و پێشمه‌رگه‌ كه‌ركوكه‌ و كه‌ركوك پێشمه‌رگه‌يه.

ليست هناك تعليقات: