إجمالي مرات مشاهدة الصفحة

الثلاثاء، 24 نوفمبر، 2015

پارێزگاری كه‌ركوك پێشوازی ده‌كات له‌ په‌رله‌مانتار (گۆران ئازاد)



پارێزگاری كه‌ركوك پێشوازی ده‌كات له‌ په‌رله‌مانتار (گۆران ئازاد)

ئه‌مڕۆ سێشه‌ممه‌ 2015/11/24 دكتۆر (نه‌جمه‌دین كه‌ریم) پارێزگاری كه‌ركوك له‌ نوسینگه‌ی تایبه‌تی خۆی پێشوازی كرد له‌ په‌رله‌مانتار (گۆران ئازاد) ئه‌ندامی فراكسیۆنی سه‌وز له‌ په‌رله‌مانی هه‌رێمی كوردستاندا.
له‌ دیداره‌كه‌دا بارودۆخی سیاسی هه‌رێمی كوردستان خرایه‌ به‌رباس له‌به‌ر ڕۆشنایی ئه‌و ئاسته‌نگانه‌ی هاتونه‌ته‌ پێش له‌ ڕووی سیاسی‌و ئابورییه‌وه‌و ئه‌و هه‌وڵانه‌ی خراونه‌ته‌گه‌ڕ بۆ چاره‌سه‌ری قه‌یرانه‌كان‌و گێڕانه‌وه‌ی ژیانی سیاسی بۆ ڕێڕه‌وی ڕاسته‌قینه‌ی خۆی كه‌ ده‌بێته‌ مایه‌ی گه‌ڕانه‌وه‌ی سه‌رجه‌م قه‌واره‌كان بۆ نێو په‌رله‌مانی كوردستان.
له‌ ته‌وه‌ریكی تردا باسی دۆسیی نه‌وتی كه‌ركوك كرا كه‌ له‌ ڕێگای هه‌رێمی كوردستانه‌وه‌ هه‌نارده‌ ده‌كرێت به‌شیوه‌یه‌ك مافی شاره‌كه‌ دابین بكات به‌ پێی ده‌ستوری عێڕاق.
هه‌روه‌ها باسی په‌یوه‌ندی نێوان هه‌رێمی كوردستان‌و به‌غدا كراو جه‌خت كرایه‌وه‌ له‌ گرنگی نزیك بونه‌وه‌ی بۆچوونه‌كان‌و كار كردن پێكه‌وه‌ بۆ به‌ڕه‌نگاربونه‌وه‌ی تیرۆریستانی داعش.

ليست هناك تعليقات: